Noticias

EUSKAL KULTURAZ LEIPZIG-EN

ikastaroak Leipzig

Abenduaren hasieran, Lourdes Otaegi irakaslea (MHLI) LEIPZIGeko Unibertsitatean izan zen, eta, Unai Lauzirika irakurlea lagun, ikastaro bi eskaini zituen bertan. Hona hemen haien berri laburra.

Lehen saioak La globalización como desafío cultural para las lenguas minoritarias zuen izenburua, eta globalizazio kulturalak hizkuntza gutxitutetako sortzaileei sortzen dien kezkaren inguruan garatu zen. Izan ere, XX. mendean modernitateak euskal kulturaren ateak jo zituenetik hainbat egilek hausnartu du euskarazko literatura produkzioak erronka horren aurrean egin lezakeen ekarpenaz. Hala, Lizardi edo Lauaxeta sortzaileek, nola Bernardo Atxagak edo Kirmen Uribek gai honen inguruan emandako erantzun literarioak alderatu zituen bere hitzaldian Otaegik.

Bigarren saioan, berriz, Desde las ikastolak hasta Xabiertxo: el proyecto educativo en el periodo de entreguerras izenburupean, euskal eskolen sorrera ekarri zuten egitasmoen inguruan mintzatu zen irakaslea. Ekimen hartan parte hartutako pertsonak (Arana-Goiri, Azkue, Elizalde, Munoa, etab.), erakundeak (Foru Aldundiak, Eusko Ikaskuntza, etab.) argitaletxeak (Lopez-Mendizabal, etab.) nahiz testu-liburuak (Xabiertxo, Umiaren laguna, etab.) izan zituen mintzagai. Azkenik, arreta berezia ezarri zuen testuliburuen arrakastan zerikusi nabaria izan zuten Jon Zabalo “Txiki” eta bere arreba Ignazia “Nornai”ren marrazki eta diseinuen ekarpen artistiko nabarian. Adibidetzat baliatu zuen “Txomin Arlote” ipuinean bertsionatutako Joxemiel Barandiaranek XX. mende hasieran Ataunen Bildu zuen “Patxi errementarie” narrazioa. Saioaren osagarri gisa, Paul Urkijok zuzendutako “Errementari” filma (2017) eskaini zen.

Oroimenaren lekuak eta lekukoak. Gerra Zibilaren errepresentazio artistikoak versus kontaera historiko-politikoa

ikastaroak EHU sinbolismoa erreferentziak

Dudarik gabe, Espainiako Gerra Zibila izan da hego Euskal Herriak XX. mendean bizi izan duen garairik tragikoenetakoa. Urte asko igaro dira 1936ko udatik, baina guregana heldu den gerrari buruzko iruditeria ez da oinarritu joandako egitateetan bakarrik. Gaurko euskal gizarteak ahalegin kontzienteak egin ditu bere patua iragan duinarekin lotzeko, eta jardun horretan berebiziko garrantzia hartu dute Pierre Norak memoria edo oroimen-leku deiturikoek.Horregatik, memoria-leku horien egitateak, sinbolismoa eta erreferentziak aztertu nahi ditugu zenbait diziplina aurrez aurre jarrita: literatura, musika, zinema, historia eta politika.

  • Gerra Zibilari buruzko iruditeriaren azterketa: artean, historiografian eta politikan eratutako memoria-lekuak.
  • Gerra Zibileko errepresentazio eta sinbolismoaren inguruko eztabaida eta bilguneak sortu.
  • Memoria historikoaren inguruko kontzeptuen azterketa eta euskal esparruari aplikatu, ikasketa kulturalaren ildotik (literatura, zinema, kantua…).

EHUko Uda Ikastaroa

EGITARAUA

UZTAILAK 14

09:00ean Dokumentazio banaketa

09:15ean "Gerraren humanizazioa: Manuel de Irujo"

Josu Iñaki Erkoreka Gerbasio
Eusko Jaurlaritzaren Herri Administrazio eta Justizia Sailburua.

10:30ean Etenaldia

10:45ean "Gerra Zibilari buruzko bibliografia komentatua"

Inazio Mujika Iraola
Idazlea.

12:00ean Etenaldia

12:15ean "Euzko gudariak eta Gerra Zibila"

Ludger Mees
Gizarte eta Komunikazio Zientzien Fakultatea. Leioa. UPV/EHU.

13:30ean Laburpen saioa / Bibliografiari buruzko saioa



UZTAILAK 15

09:15ean "Kontatu ezin denaz: Mikel Laboaren Lekeitioak"

Lourdes Otaegi Imaz
Letren Fakultatea. Vitoria-Gasteiz. UPV/EHU.

10:30ean Etenaldia

10:45ean "Gerlari idazle: gerrako autobiografien testigantza" Pio Perez Aldasoro
Filosofia eta Hezkuntza Zientzien Fakultatea. Donostia/San Sebastián. UPV/EHU.

12:00ean Etenaldia


12:15ean "Gerra Zibilaren errepresentazioa euskal zinemagintzan"

Joxean Fernandez
Euskal Filmategia.

13:30ean Laburpen saioa / Bibliografiari buruzko saioa

16:30ean Mahai-ingurua: "Esteban Urkiaga, Lauaxeta. Gerra Zibileko memoria lekua"

Mikel Ayerbe Sudupe

Letren Fakultatea. Vitoria-Gasteiz. UPV/EHU.

Juan Luis Zabaleta Artetxe

Arantza Urretabizkaia Bejarano Idazlea

Antton Valverde Musikaria

Mostrar 1 las 1 | 2 entradas en total