Noticias

NAZIOARTEKO BILTZARRA: "ZENTSURA ETA LITERATURA: MEMORIA EZTABAIDATUAK"

kongresua EHU udako ikastaroa zentsura

MHLI ikerketa taldeak, Mari Jose Olaziregi eta Lourdes Otaegi irakasleen zuzendaritzapean, zentsuraren inguruko nazioarteko biltzarra antolatu du. Kongresuak "Zentsura eta literatura: memoria eztabaidatuak" izena du, eta Donostiako Miramar Jauregian ospatuko da ekainaren 21-22an.

Biltzarra ikasle, irakasle eta ikertzaileei zuzendua dago, eta zentsuraren ikerketan diharduten aditu handiak bilduko ditu. Besteak beste, hizlari ariko dira Berta Muñoz (Universidad Autónoma de Madrid), Joan Oleza (Universitat de València), Xosé Manuel Dasilva (Universidade de Vigo), Raquel Macciucci (Universidad Nacional de La Plata), Dolores Vilavedra (Universidade de Santiago de Compostela), Paula Martínez-Michel (Université Tours) edota Xavier Pla (Universitat de Girona). Guztiak ere erreferentzia esanguratsuak dira zentsura-ikerketen egungo nazioarteko panoraman.

Hizlari horiez gain, MHLI taldeko ikertzaileek zentsuraren eta euskal kulturgintzaren arteko harremanak aztertuko dituzte, zentsurak euskal kulturgintzan izan duen eraginaren alderdi askotarikoetan sakonduz.

Kongresuaren baitan antolatutako hitzaldiez gain, azpimarratu beharrekoa da Joan Mari Torrealdairi egingo zaion omenaldia (Andres Urrutia euskaltzainburuaren partaidetzarekin). Torrealdai dugu zentsuraren euskal ikertzaile nagusia, eta bere ikerketak ezinbesteko erreferentzia dira alor honen ikertzaileentzat, hala Euskal Herrian nola nazioartean. Torrealdaik, La censura de Franco y los escritores vascos del 98 (1998) edota Artaziak (2000) bezalako lanetan, zentsurak euskal kulturgintzan eta bereziki literaturan izan duen eragina aztertu du ikerketa soziologiko sakonen bidez. Ikerketa horiek mugarri dira, eta kongresuak omenaldia egin nahi dio Torrealdairen ibilbideari.

Kongresuaren egitaraua eta Online matrikula

"MEMORIA IKASKETAK ETA EUSKAL KULTURA" JARDUNALDIA

memoria mintegia EHU Gasteiz

MHLIk memoria ikasketen eta euskal kulturaren inguruko jardunaldia ospatuko du.

Taldearen helburu nagusietako bat ikerketen emaitzak beste ikertzaile eta interesatuen esku jartzea da, hala maila akademikoan nola dibulgazio esparruetan. Horretarako, besteak beste, kideek kongresu eta mintegi ugaritan parte hartzen dute, ikerbide eta gaiak elkarbanatuz eta modu kooperatiboan ikertuz. Lankidetza hori taldearen barne-dinamiketan islatzen da, eta baita kanpora begira egiten diren askotariko lanetan ere (hitzaldiak, argitalpenak, etab.).

Oraingoan, MHLIk jardunaldi irekia antolatu du, edozein interesatuk bertaratzeko aukera izan dezan.

Jardunaldi honen helburua sinergiak sortzea da, komentatuz kideen azkenaldiko ikerketak, kongresuetan jasotako berriak, ezagututako ikerbideak... guztiak ere memoria ikasketek euskal kulturan duten lekuari begira.

Hona hemen jardunaldiaren inguruko berri zehatzagoa:

“MEMORIA IKASKETAK ETA EUSKAL KULTURA”

Memoria Historikoa Literatura Iberiarretan Ikertaldea (MHLI)

Azaroak 22, 15:30, Micaela Portilla ikerguneko 02 aretoa (Gasteiz)

EGITARAUA

15:30-15:45: MARI JOSE OLAZIREGI: “Nire amaren etxea defendituko dut…”

15:45-16:00: IZARO ARROITA: "Memoria eta literatura. Kontzeptu batzuk"

16:00-16:15: PIO PEREZ & GURUTZE LASA: “Hiru isilune”

16:15-16:30: ALEXANDER GURRUTXAGA: "Fantasiaren lekua memorian"

16:30-16:45: ANA GANDARA & MIREN IBARLUZEA: "Manu militari: errelatu memoristikorako teknikak"

16:45-17:00: ATSEDENALDIA

17:00-17:15: LOURDES OTAEGI: "Euskal memoriaren bidegurutzeak. Nafarroako memoria euskal literaturan"

17:15-17:30: AMAIA ELIZALDE & ISMAEL MANTEROLA: "Arte publikoa eta gatazken memoria"

17:30-17:45: BEÑAT SARASOLA: "Memoria subalternoa eta Mikel Peruarenaren nobelagintza"

17:45-18:00: MIKEL AYERBE: “Memoria kritikoaren transmisioa Saizarbitoriaren Lili eta biok-en”

Mostrar 4 las 18 | 35 entradas en total