Berriak

Hezkuntza

MHLIKO HEZKUNTZA AZPITALDEA “MEMORIA DUEN HISTORIA HEZKUNTZAN” I. NAZIOARTEKO KONGRESUAN

HezkuntzaMemoriaren Artea eta Artearen Memoria HezkuntzanMHLI ikertaldeaNazioarteko Kongresua

Joan den asteko ostegunetik larunbatera bitartean, alegia, azaroaren 10etik 12ra, Memoria duen historia hezkuntzan I. Nazioarteko Kongresua ospatu zen Iruñean, eta MHLI ikertaldearen parte den Hezkuntza azpitaldeak parte hartu zuen jazoera horretan.

Memoriaren Nafarroako Institutuak, Nafarroako Gobernuarekin, Agenda 2030ekin eta Nafarroako Unibertsitate Publikoarekin (UPNA) elkarlanean antolatutako kongresua hezkuntzan memoria historikoaren lanketa ardatz dituzten praktika errealen, eztabaida teorikoen, eta, are, irakasleen arteko lankidetza horizontalerako moduen arteko elkarrizketa bat(zuk) eragiteko aitzakia eta topagune bat izan da. Nazioarteko izaera izaki, hainbat esparrutatik ez ezik, hainbat tokitik etorritako profesionalak bertaratu ziren.

Kongresuko logoa. Iturria: kongresuaren webgune ofiziala

Ostiral goizean, azaroaren 11n aritu zen Amaia Elizalde (MHLIko kidea eta UPV/EHUko irakasle eta ikertzailea) MHLIko parte den Hezkuntza azpitalearen izenean. Memoriaren artea eta artearen memoria hezkuntzan izenburupean, Elizaldek martxan den proiektua abiapuntutzat hartu eta egindakoez eta etorkizuneko azpitaldearen erronkez hitz egiteko aukera izan zuen: euskarazko hezkuntzan (Lehen Hezkuntzaren eta Bigarren Hezkuntzaren esparruetan, bereziki) euskal lurraldeetako memoria gatazkatsuak lantzeko literatura eta beste arteak oinarritzat hartuta, ekarpen didaktiko berritzaileak egitea da azpitaldearen helburu nagusia. Horretara heltzeko, hainbat ikerketa-jarduera burutu behar izan dira: artistekin, irakasleekin eta abarrekin aztergai denaren inguruko workshop-sortak antolatzea, hezkuntza-testuinguruko testu-liburuen hustuketa egitea, materialen diseinura begira hainbat mintegi antolatzea, besteak beste.

MHLI NAZIOARTEKO HITZALDI-SORTAN

HezkuntzaMemoriaren Artea eta Artearen Memoria HezkuntzanMHLI ikertaldeaNazioarteko hitzaldi-sortaWorld History Association

Datorren ostiralean, ekainaren 24an, World History Association elkarteak Bilbon urtero antolatzen duen hitzaldi-sortan parte hartuko du MHLIk.

Datorren ostiralean, ekainaren 24an, MHLI ikertaldearen parte den Hezkuntza azpitaldea World History Association taldeak antolatutako 31. nazioarteko konferentzian egongo da (The 31st anual conference of the World History Association), eta bertan parte hartuko du Memoriaren Artea eta Artearen Memoria Hezkuntzan: mugaz gaindiko material didaktiko bat sortzeko bidean hitzaldiarekin.

Hiru zutabetan ardaztuko du Hezkuntza azpitaldeak bere diskurtso eta hitzartzea: lehenengoan, Miren Ibarluzea eta Nagore Fernandez arituko dira Mugaz gaindiko gure iragan gatazkatsuen memoria eskolan lantzeko testuingurua izenburupean. Lehen parte-hartze horren helburua Hezkuntza azpitaldearen aurkezpena egitea izango da, eta esku artean duten ikerketa-egitasmoaren aurrekariei, iker-ildoei eta etorkizuneko erronkei leku egitea. Bigarrenean, berriz, Ana Gandarak eta Ane Villagranek hartuko dute hitza eta orain artean azpitaldeak egindakoaz jardungo dute, Bidea egiten: orain arteko jarduerak eta hauen emaitzak izenburupean. Batez ere, azpitaldeak iaz antolatutako workshop-sortan jarriko dute fokua eta bertan bildutako esperientziak eta hausnarketak partekatu. Azken unean, Ainhoa Urzelai, Amaia Elizalde eta  Izaro Arroita arituko dira Esku-artean dauzkagunak eta norantz jo: “Memoriaren Artea eta Artearen Memoria Hezkuntzan” proiektua hitzaldiarekin. Izenburuak berak dakarren proiektuan zentratuko dira eta orain artean egindako bideaz eta lortutako emaitzez hitz egingo dute. Ismael Manterola ikertaldeko kidea ere han izango da chair bezala.

Funtsean, kongresuko parte hartzeak Hezkuntza azpitaldeak orain artean egindako bidea ezagutarazteko eta elkarrizketa-sarea elikatzen jarraitzeko aukera bat izan nahiko luke.

    1 2 4