News

MHLI ikertaldea

UDA IKASTAROA: TERESA DEL VALLE BIDEGILE ETA GIDARI

Antropologia FeministaMHLI ikertaldeaTeresa del Valleudako ikastaroa

Teresa del Valleren inguruan gehiago jakin nahi? Ez galdu uztailaren 5ean eta 6an ospatuko den Euskal sortzaileak: Teresa del Valle, bidegile eta gidari uda ikastaroa!

Uztailaren 5ean eta 6an, MHLIko ikertzaile nagusiak, Mari Jose Olaziregik (EHU), eta MHLIko kide den Pio Perez irakasleak (EHU) zuzendutako uda ikastaroa ospatuko da. AFIT (Antropologia Feminista) ikertaldearekin elkarlanean sortutako ekitaldia Teresa del Valle antropologoaren inguruan bilbatzen da, eta on-line nahiz bertatik bertara parte hartzeko aukera izango da.

Teresa del Valle antropologo eta idazlearen lana erdigunetzat (eta gidaritzat) hartuta, eta, bereziki, honen Mujer Vasca: Imagen y Realidad (1985) liburua hizpide izanik, genero ikuspegitik, egungo emakumearen irudiaz hausnartzea du helburu ikastaroak, besteak beste.

Bi egunetan zehar, diziplina anitzetatik datozen hainbat hizlarik hartuko dute parte. Lehenengo egunean, Lorea Bilbao Ibarra (Bizkaiko Foru Aldundia-Kultura Diputatua) eta Mari Jose Olaziregi Alustizaren (UPV/EHU-Zuzendarikidea) sarrera hitzaldiaren ostean, Carmen Díez Mintegui (UPV/EHU-Irakaslea) eta Margaret Louise Bullen (UPV/EHU-Irakaslea); Miren Urquijo Arregui (UPV/EHU-Irakaslea) eta Beatriz Moral Ledesma (Free lance-Antropologoa); Jone Miren Hernández García (UPV/EHU-Irakaslea) eta Jaime Altuna Ramírez (UPV/EHU-Irakaslea) adituen hitzaldik entzungo ditugu goizean zehar. Arratsaldean, berriz, Jose Miguel Apaolaza Beraza (UPV/EHU Irakaslea), Maribel Egizabal Suarez (UPNA-Irakaslea); Paloma Fernández Rasines (UPNA-Irakaslea) eta Elixabete Imaz Martinez (UPV/EHU-Irakaslea) “Genealogia: Teresa del Valle, irakasle eta mentore” mahai inguruko protagonistak izango dira.

Azken saiorako, Leyre Arrieta Alberdi (Deustuko Unibertsitatea-Irakaslea) eta Helena González Fernández (UPV/EHU-Irakaslea); Mari Jose Olaziregi Alustiza (UPV/EHU-Irakaslea) eta Mariasun Landa Etxebeste (UPV/EHU-Idazlea) eta Mari Luz Esteban Galarza (UPV/EHU-Irakaslea) eta Carmen Gregorio Gil (Universidad de Granada-Irakaslea) adituen hitzaldiak izango ditugu.

Informazio gehiagorako eta matrikulatzeko, bisitatu: Euskal sortzaileak: Teresa Del Valle, bidegile eta gidari | Cursos de Verano UPV/EHU (uik.eus)

Matrikulazioa irekita dago, ANIMA ZAITEZ!

UDA IKASTAROA: MEMORIA ETA GATAZKA EUSKARAZKO HEZKUNTZAN

Hezkuntzamemoria eta arteaMHLI ikertaldeaudako ikastaroaWorkshop sorta

Datorren ekainaren 22 eta 23an Memoria eta gatazka euskarazko hezkuntzan: literatura eta beste arteak (balia)bide uda ikastaroa ospatuko da, zuzenean on-line.

Urtarrilaren 13tik otsailaren 4ra, workshop sorta bat antolatu zuen MHLI ikertalde kontsolidatuko hezkuntza azpi-batzordeak (IT 1047-16), FFI2017-84342-P proiektuaren baitan (https://mhli.net/4663/). Hiru aste horietan gai zentral ugari landu ziren, hala nola, arte praktikak, landu daitezkeen edukiak, adituen esperientzia errealak eta tresna didaktikoak. Hainbat izan ziren bertaratu ziren adituak, nor bere diziplinatik, nor bere ikuspuntutik. Ikerketa-Ekintza Partehartzailea ardatz duen metodologia jarraituz, material didaktikoak sortzeko lehen pausoa izan zen diziplinarteko workshop sorta. Oraingoan, bigarren urrats bat eman dute, formatu laburrago eta trinkoagoan.

Formatua txikiagoa izanagatik, helburuak berbera izaten jarraitzen du: literatura eta bestelako arteek (euskal) gatazken memoriarekiko duten lotura eta balio kritikoa lantzea. Horretarako, ezinbestekoa izango da arlo ugaritako adituekin harreman sareak eraikitzea; bestela esanda, diziplinarteko elkarrizketarako espazioa izan nahiko luke ikastaroak, besteak beste.

Ekainaren 22an emango zaio hasiera ikastaroari, eta Amaia Elizaldek (MHLIko kidea eta UPV/EHUko irakasle eta ikerlaria), ikastaroaren zuzendari bezala, aurkezpen hitzaldia egin ondoren, hizlari arituko dira José Miguel Gaston (Memoriaren Nafarroako Institutuko zuzendaria), Josu Chueca (UPV/EHUko irakasle eta ikerlaria), Aiako Harria Gaztelumendi (Bigarren Hezkuntzako irakaslea eta “Oroimenaren harra” web-orria ekimeneko kidea) eta Ane Villagran (MHLIko kidea eta UPV/EHUko ikerlaria) adituak, hurrenez hurren.

Ekainaren 23an, berriz, gurekin izango dira Alex Carrascosa (Gernika Gogoratuz eta Gernikako Bakearen Museoko kolaboratzailea eta EDE Fundazioko aholkulari eta erraztailea), Esther Uria (EHUko irakasle eta ikerlaria) eta Amaia Arroyo (Mondragon Unibertsitateko irakaslea eta ikerlaria).

Informazio gehiagorako eta matrikulatzeko, bisitatu: https://www.uik.eus/eu/memoria-eta-gatazka-euskarazko-hezkuntzan-literatura-eta-beste-arteak-baliabide

Matrikulazioa irekita dago, ANIMA ZAITEZ!