MHLI eta UEUk antolatutako udako ikastaroa urriaren 6an
← Berri guztiak Uncategorized @eu
MHLI ikertaldeak eta UEUk elkarlanean antolaturiko Gernikak: arte bidezko gorpuzteak eta islak udako ikastaroa ospatuko da urriaren 6an, Eibarko Isasi jauregian.
Hainbat aditu eta sortzailek parte hartuko dute goizean hasi eta arratsaldera arte luzatuko den ikastaroan. Ekarpen guztiek Picassoren Guernica koadroaren eguneratze eta fenomeno transmedialak aztertzea izango dute xede.
Joseba Zulaika antropologoak ekingo dio ikastaroari, zeinak Gernikak euskal komunitatearen kanpo eta barneko irudiaren eraikuntzan izan duen eragina aztertuko duen. Jarraian, Ismael Manterola arte historialariak eta MHLIko kideak Gernika koadroaren ezaugarriak eta xehetasunak aletuko dizkigu.
Bi adituon hitzaldien ondotik, arte-diziplina anitzetan ari diren sortzaileek emango diote amaiera goizari. Hain zuzen ere, Garbiñe Ubeda idazleak, Joseba Larratxe (Josevisky) irudigileak, Aitor Etxebarria musikariak eta Jon Maya dantzariak osatuko dute luxuzko mahai-ingurua. Bazkalostean, Gernikaren eragina duten bi ikus-entzunezkoren bideoforuma egingo da, Bego Vicario eta Josu Rekalderekin.
Ikastaroaren izen-ematea UEUko webgunean egin liteke, ondoko estekan: https://www.ueu.eus/jarduera-akademikoa/1954-gernikak-arte-bidezko-gorpuzteak-eta-islak
Zatoz!
PROGRAMA
09:00-09:15 ONGI ETORRIA
09:15-09:30 JARDUNALDIAREN AURKEZPENA
09:30-10:30 HITZALDIA
- JOSEBA ZULAIKA (antropologoa): Gernika: komunitate baten kanporako eta barnerako irudia
10:30-11:30 HITZALDIA
- ISMAEL MANTEROLA (Arte historialaria): Gernika koadroari so
11:30-12:00 KAFERAKO ATSEDENA
12:00-14:00 MAHAINGURUA: Gernikatik asmatuz: sortzaileak solasean
- GARBIÑE UBEDA (idazlea)
- JOSEBA LARRATXE, “JOSEVISKY” (irudigilea)
- AITOR ETXEBARRIA (musikaria)
- JON MAYA (koreografoa eta dantzaria)
- Moderatzailea: MHLI ikerketa-taldeko kidea
14:00-16:00 BAZKALTZEKO TARTEA
16:00-18:00 IKUS-ENTZUNEKOAK ETA BIDEOFORUMA: Areka & Memoria-Amnesia
- BEGO VICARIO – AREKA – 7 minutu
- JOSU REKALDE – Memoria-Amnesia (1937-2012) – 10 min
- Moderatzailea: MHLI ikerketa-taldeko kidea
18:00-18:15 JARDUNALDIAREN ITXIERA