News

MHLI mintegi zikloa (I): memoria eta kultura ikerketak bidegurutzean

Estibalitz EzkerraGorka MerceroMemoria eta kultura ikerketak bidegurutzeanMHLI ikertaldeaMintegi zikloaNazioarteko adituak gurean

Hurrengo ostiralean, ekainak 25, MHLI ikertaldeak antolatutako mintegi zikloari emango diogu hasiera, eta, horretarako, Gorka Mercero eta Estibalitz Ezkerra adituak izango ditugu gurekin.

Hurrengo asteko ostiralean, ekainak 25, MHLI ikertaldeak Nazioarteko adituak gurean egitasmoari emango dio hasiera. Memoria eta kultura ikerketak bidegurutzean mintegi zikloaren lehen saiorako, Gorka Mercero (University of Liverpool) eta Estibalitz Ezkerra (University of California) adituak izango dira gurekin, hurrenez hurren.

MHLI mintegi zikloa (I). Kartela. Iturria: MHLI artxiboa

Lehen saio hau 16:30tan hasiko da Merceroren Oroimena: nazioarena edo etorkizun den justiziazko komunitate batena? Inplikazioak hezkuntzan hitzaldiarekin. Honen ondotik, 17:00tan, Ezkerraren Guernica-ren ibilbideak: artelana hondamendi globalen garaian mintzaldia entzuteko aukera izango dugu.

Saioa irekia izango da eta on-line emango da BBCollaborate plataformaren bidez (Esteka: https://eu.bbcollab.com/guest/bbb74695f09d42a18757339fc7993c8a)

ANIMATU ZAITEZ!

Ainhoa Urzelai eta Ane Villagran “Bordes” XVIII. nazioarteko kongresuan

Ainhoa UrzelaiAne VillagranBordes. XVIII. nazioarteko kongresuaMHLI ikertaldea

Joan den asteko ostegun, ostiral eta larunbatean, hots, maiatzak 20, 21 eta 22an MHLI ikertaldeko kide diren Ainhoa Urzelaik (ikertzaile predoktorala-Mineco) eta Ane Villagranek (ikertzaile predoktorala-Eusko Jaurlaritza & UBM) “Escritoras y Escrituras” ikertaldeak antolatutako XVIII. nazioarteko kongresuan parte hartu zuten.

“Bordes. Escritoras y Fronteras Geosimbólicas” deituriko ekitaldian nork bere arlotik egin zuen ekarpena: Urzelaik emakumezko idazleez diharduten emakumezko sortzaileez jardun zuen “Expresar desde los márgenes. Autoras que escriben sobre escritoras” izeneko hitzaldian. Villagranek euskal poesia garaikideko diskurtso matrofobikoei egin zien lekua bere “La muerte de mi madre me hizo más libre: lecturas de los discursos matrofóbicos en la poesía vasca contemporánea escrita por mujeres” solasean.

Bordes. Escritoras y Fronteras Geosimbólicas. XVIII. nazioarteko kongresuko kartela
1 2 3 38