Euskal liburuaren frankismo osteko zentsura (1975-1983) (Gandara Sorarrain edit., 2022) monografikoak Joan Mari Torrealdaik landutako euskal liburuaren zentsura gaiari heltzen dio; zehazki, hark eginiko lanari jarraipena ematen zaio, osagarri, datu jasoketa sistematikoari esker lorturiko datuen azterketa sakona egin delarik. Liburukian, Alcalá de Henareseko Administrazioaren Artxibo Orokorrean (AGA) MHLI ikerketaldeak egindako datu-bilketa zehatza hartzen da abiapuntutzat. 545 espediente sistematikoki hustu ondotik, azterketa enpiriko-deskribatzailea egin da, batez ere kuantifikatutako datuekin sendotutako metodologia kualitatiboa erabiliz.

Lanaren balioa hirukoitza da. Batetik, 1975etik 1983ra bitartean euskaraz idatzitako liburuen zentsura ikertzen da, lehen aldiz, sistematikoki behatutako eta aztertutako corpus batean. Bestalde, lortutako datuen azterketak ideia eta ikuspegi berriak eskaini ditu, eta horiek, era berean, laguntzen dute Joan Mari Torrealdaik euskal liburuko zentsuraren egoerari buruz egindako ekarpen baliotsuak osatzen. Azkenik, metodologia osagarria hautatu da, datu kuantifikatuak dituzten ikertzaileen azterketa kualitatiboa osatzen laguntzeko, osagarritasun horrek sendotasuna eman dielarik azterketatiko ondorioei.

Jarraian argitalpenean gehitu diren grafikak koloreetan ikusteko aukera izango duzu.